"အုပ်ချုပ်သူတွေက တစ်ယောက်နဲ့တစ်ယောက် အမြင်ကွဲပြားတာတွေကို အမြတ်ယူပြီးတော့ နိုင်ငံရေးသွေးစုပ်မယ်ဆိုရင် ၁၀ နှစ်တစ်ခါ၊ ၁၅ နှစ်တစ်ခါ၊ နှစ် ၂၀ တစ်ခါဆိုသလိုပဲ တိုင်းပြည်မှာ စစ်ဘေးရော၊ ဘာသာရေးမီး ရော ဘယ်တော့မှ ငြိမ်းမှာမဟုတ်ဘူး။"
ဉာဏ်လင်းမေးမြန်းသည်
(မကြာမီ ထွက်ရှိလာတော့မည့် မော်ကွန်းမဂ္ဂဇင်း အမှတ် ၃ တွင်ပါရှိသော အင်တာဗျူးမှ ထုတ်နှုတ်ဖော်ပြခြင်းဖြစ်ပါသည်။)
MAWKUN: ရခိုင်မှာ လူအုပ်စုနှစ်ခုကြားမှာ မုန်းတီးရေးတွေ တအားမြင့်မားနေတဲ့အချိန်မှာ တချို့ယူဆကြတာက ဘယ်လိုနည်းနဲ့မှ ဒီလူအုပ်စုနှစ်စုဟာ အရင်လို အနေအထားမျိုးပြန်နေလို့မရတော့ဘူး၊ အတူထားဖို့လည်း မသင့်တော့ဘူးဆိုပြီးတော့ ပြောကြတယ်။ တချို့ကပြောတာက အချိန်ကာလတစ်ခု ကို ဖြတ်သန်းပြီးတဲ့ အခါမှာ တစ်ဘက်နဲ့တစ်ဘက် ယုံကြည်မှုရှိလာ တဲ့အခါကျရင် အရင်လို အနေအထားမျိုး ပြန်ပြီး ထားနိုင်လိမ့်မယ်လို့ မျှော်လင့်ထားကြတယ်။ အဲဒီပေါ်မှာ ဘယ်လိုမြင် လဲခင်ဗျ။
Dr. Zarni: မြစ်ဝကျွန်းပေါ်ဒေသမှာ BIA/BDA ခေတ်က ဗိုလ်မိုးကြိုးနဲ့ တော်တော်နီးစပ်မှုရှိတဲ့ ဖက်ဆစ်ဂျပန်စစ် အရာရှိနှစ်ယောက်ကို ကရင်တွေဘက်က သတ်လိုက်တာရှိတယ်။ အဲဒါနဲ့ပတ်သက်ပြီးတော့ ဗိုလ်မိုးကြိုးက တွေ့သမျှ ကရင်တွေကို အကုန်သတ်ဆိုပြီးတော့ အမိန့်ပေးခဲ့တာရှိတယ်။ BIA တပ်ကလည်းပါတယ်။ ဗိုလ်မိုးကြိုးရဲ့တပ်တွေလည်းပါတယ်။ ကရင်တွေကို အစုလိုက်၊ အပြုံလိုက်သတ်လိုက်ကြတယ်။
ဦးနုတက်လာတဲ့အချိန် ၁၉၄၉-၅၀ မှာလည်း ကရင်တွေနဲ့ ဗမာတွေနဲ့ တစ်ဘက်နဲ့ တစ်ဘက်သတ်ကြတာရှိတယ်။ ကိုယ်ဝန် ဆောင်ကိုသတ်ပြီး ဗိုက်ထဲကကလေးကို ဆွဲထုတ်တာတို့ အဲလောက်ထိအောင် ရက်ရက်စက်စက်သတ်ခဲ့တာတွေရှိပါ တယ်။
မုန်းတယ်ဆိုတာ တစ်သက်လုံးမုန်းဖို့ဆိုတာမဖြစ်ပါဘူး။ ကျွန်တော်တို့က ဗုဒဘာသာတွေနော်။ ချစ်တာတို့၊ မုန်းတာ တို့ဟာ မြဲတဲ့ကိစ္စတွေမဟုတ်ဘူး။
တစ်ယောက်နဲ့တစ်ယောက်နေလို့ မရဘူးဆိုတာက ၀င်ပြီးတော့ တွန်းကြတာပေါ့ဗျာ။
ရခိုင်တွေအားလုံးနဲ့ မူဆလင်တွေ အကုန်လုံး ဖြစ်တာမဟုတ်ပါဘူး။ ကောင်းတဲ့ရခိုင်တွေအများကြီးရှိတယ်။ ဆိုးတဲ့ ရိုဟင်ဂျာတွေလည်း အများကြီးရှိ တယ်။ ကောင်းတဲ့ရိုဟင်ဂျာတွေလည်းရှိတယ်။ ဆိုးတဲ့ရခိုင်တွေလည်းရှိတယ်။ ဖြစ်ခဲ့တာတွေက အလွန်ကိုဝမ်းနည်းစရာ ကောင်းတယ်။
၁၉၃၀ နာဇီဂျာမနီလိုပုံစံမျိုးအထိ ဖြစ်လာတယ်ဆိုတာက ဘေးကနေပြီး သွေးထိုးတာတွေပါတယ်။ မြှောက်ပေးတာတွေပါ တယ်။ အဲတော့ စနစ်တကျ အချိန်ယူပြီးတော့ လုပ်မယ်ဆိုလို့ရှိရင် နောက် ၁၀ နှစ်၊ ၁၅ နှစ်မှာ ပြေလည်ပြီးတော့ ပြန်ပြီးတော့ ကောင်းကောင်းမွန်မွန်နေနိုင်တဲ့အနေအထားမျိုး ရောက်သွားဖို့ အလားအလာရှိပါတယ်။
အမေရိကန်နိုင်ငံကိုပဲကြည့်လိုက်။ လူမည်းတွေကို ကျွန်လုပ်ထားတာကနေပြီးတော့ ဒီကနေ့အချိန်မှာ လူမည်းသွေး တစ်ဝက်ပါတဲ့ သမ္မတကနေပြီးတော့ လူဖြူအများစုဖြစ်တဲ့နိုင်ငံမှာ သမ္မတက်လုပ်နိုင်တဲ့အနေအထားမျိုး။
ကြီးတဲ့အမှုကိုငယ်အောင်၊ ငယ်တဲ့အမှုကို ပပျောက်အောင်လုပ်တာမဟုတ်ဘဲနဲ့ ငယ်တဲ့အမှုကိုကြီးအောင်၊ ကြီးတဲ့အမှုကို တစ်နိုင်ငံလုံး မီးဟုန်းဟုန်းတောက်အောင် လုပ်တဲ့အစိုးရမျိုးဆိုလို့ရှိရင်တော့ ကျွန်တော်တို့ ဘယ်လိုလုပ်ပြီး သင့်သင့်မြတ် မြတ်နေလို့ရမလဲ။
ဘယ်လိုအစိုးရမျိုးက တိုင်းပြည်ကို အုပ်ချုပ်တာလဲဆိုတဲ့အပေါ်မှာ မူတည်ပြီးတော့ တိုင်းရင်းသားတွေအချင်းချင်း ချစ်ချစ်ခင်ခင်နေမှာလား၊ ဒါမှမဟုတ် တစ်ယောက်နဲ့တစ်ယောက်နဲ့ နားလည်မှုယူထားပြီးတော့ သင့်သင့်မြတ်မြတ် နေမှာလားဆိုတဲ့မေးခွန်းကို အဖြေပေးလို့ရမယ်။
အုပ်ချုပ်သူတွေက တစ်ယောက်နဲ့တစ်ယောက် အမြင်ကွဲပြားတာတွေကို အမြတ်ယူပြီးတော့ နိုင်ငံရေးသွေးစုပ်မယ်ဆိုရင် ကျွန်တော်တို့နိုင်ငံဟာ ဆယ်နှစ်တစ်ခါ၊ ၁၅ နှစ်တစ်ခါ၊ နှစ် ၂၀ တစ်ခါဆိုသလိုပဲ တိုင်းပြည်မှာ စစ်ဘေးရော၊ ဘာသာရေးမီး ရော ဘယ်တော့မှ ငြိမ်းမှာမဟုတ်ဘူး။
MAWKUN: ငြိမ်းချမ်းရေးနိုဗယ်လ်ဆုရှင် ဒေါ်အောင်ဆန်းစုကြည်ရဲ့ အခန်းကဏ္ဍကိုကော ဘယ်လိုခွဲခြမ်းစိတ်ဖြာချင်လဲ။ နေအိမ် အကျယ်ချုပ်က လွတ်မြောက်လာကတည်းက သူဘာတွေ လုပ်နိုင်ခဲ့လဲဗျ။
Dr. Zarni: ကချင်ပဲဖြစ်ဖြစ်၊ ဘယ်တိုင်းရင်းသားပဲဖြစ်ဖြစ်၊ နောက်ဆုံး ဒီရိုဟင်ဂျာတွေ ပဲဖြစ်ဖြစ်၊ ပြည်တွင်းမှာနေတဲ့လူပဲဖြစ် ဖြစ်၊ ပြည်ပမှာနေတဲ့လူပဲဖြစ်ဖြစ် ဒေါ်အောင်ဆန်းစုကြည်လွတ် မြောက်ရေးကို တစ်ချိန်လုံး တောင်းဆိုပြီးတော့ ထောက်ခံပြီးတော့၊ ဘာသာစုံ မေတ္တာပို့ပြီးတော့ နေခဲ့ကြတာ။
ဒေါ်အောင်ဆန်းစုကြည် သက်တော် ရာကျော်ရှည်ပါစေ၊ ဒေါ်အောင်ဆန်းစုကြည် လွတ်မြောက်ပါစေဆိုပြီးတော့ သူ့ပုံကို အင်္ကျီမှာရိုက်ပြီး ၀တ်တဲ့သူ လည်းရှိတယ်။ ဘုရားစင်မှာ ကပ်ထားတဲ့လူလည်းရှိတယ်။ အားလုံးက သူ့ဘက်မှာ မားမားမတ်မတ်ရပ်တည်လာကြတယ်။
သူလွတ်လာပြီးတော့ အစိုးရက သူ့ကို နိုင်ငံရေးအရ လူရာသွင်းတဲ့အချိန်၊ အနောက်နိုင်ငံက ခေါင်းဆောင်တွေနဲ့ ဆက်ဆံ ပြီး သူ့ကို တစ်ကမ္ဘာလုံးက လေးလေးစားစား ဆက်ဆံတဲ့အချိန်မှာ လူမျိုးစုတွေရဲ့ အမြင်မှာ ဒေါ်အောင်ဆန်းစုကြည်ဟာ ဗိုလ်ချုပ်အောင်ဆန်းနဲ့ မတူတာက သူတို့တတွေ ဒုက္ခရောက်ပြီး မိုးထဲရေထဲရောက်နေတဲ့အချိန်မှာ ဒေါ်အောင်ဆန်းစုကြည် က သူနဲ့မဆိုင်သလိုနေတယ်။
ရခိုင်ပြည်နယ်မှာ နှစ်ဘက်စလုံးက တစ်ယောက်ကိုတစ်ယောက် သတ်နေဖြတ်နေကြတဲ့ အချိန်မှာ တစ်ဘက်ကိုဝင်ပြီးတော့ မားမားမတ်မတ်ရပ်ပေးလိုက်မယ်ဆိုရင် အဲဒီတစ်ဘက်ကို အားပေးအားမြှောက်ပြုရာ ကျမှာစိုးလို့ ရှောင်တယ်ပေါ့ဗျာ။
ဒါပေမဲ့ ကချင်မှာဖြစ်နေတဲ့ ပြဿနာက ကချင်တွေက နေပြည်တော်ကို ၀င်တိုက်၊ မန္တလေးကို သိမ်း၊ လားရှိုးကိုသိမ်း၊ ရန်ကုန်ကို တိုက်မယ်ဆိုတဲ့ အနေအထားမျိုးမှာဖြစ်နေတာမဟုတ်ဘူး။ အခုဖြစ်နေတာက ဗမာ့တပ်မတော် က ကချင်တွေ ရဲ့မြေကိုသွားပြီး သယံဇာတတွေကို သိမ်းကျုံးပြီးတော့ယူဖို့၊ နောက်တစ်ခါ တရုတ်ပြည်ရဲ့ သဘာဝဓာတ်ငွေ့နဲ့ ရေနံပိုက် လိုင်းကို လုံခြုံမှုရှိဖို့၊ နောက်ပြီးတော့ သူတို့ဆီမှာရှိတဲ့ ကုန်သွယ်မှုလမ်းကြောင်းတွေကို ၀င်ပြီးထိန်းချုပ်ဖို့၊ နောက်တစ်ခါ KIA ကို ဒူးထောက်အောင်လုပ်ဖို့ဆိုပြီးတော့ စစ်တပ်က ဟိုဘက်မှာရှိတဲ့၊ သူ့နေရာသူနေနေတဲ့ ကချင်တပ်ကို ကျူးကျော် စစ်လိုတိုက်နေတာ။
ဗမာစစ်တပ်က ကချင်ပြည်နယ်ကိုသွားပြီးတော့ တရားမျှတတဲ့၊ နိုင်ငံတော်အတွက် တိုက်နေတဲ့ စစ်မဟုတ်ဘူး။ ကချင်တပ် က ကျွန်တော်တို့တော့ ခင်ဗျားတို့နိုင်ငံမှာ မနေတော့ဘူးဆိုပြီး ခွဲထွက်ရေးအတွက် တိုက်နေတာမဟုတ်ဘူး။ အဲလိုအနေ အထားမျိုးမှာ ဒေါ်အောင်ဆန်းစုကြည်က တစ်ဘက်နဲ့တစ်ဘက် စစ်တိုက်နေတဲ့အချိန်မှာ ဘယ်ဘက်မှာမှ ၀င်မပါချင်ဘူး ဆိုတဲ့အခါကျတော့ ကချင်ဘက်က ခံစားကြရတာက ဒေါ်အောင်ဆန်းစုကြည်က သူတို့ကို လုံးဝသံယောဇဉ်မရှိဘူး၊ နောက် solidarity (သွေးစည်းတဲ့ အနေအထားမျိုး) မရှိဘူးလို့ ခံစားရတယ်။
ဒေါ်အောင်ဆန်းစုကြည်က လွတ်လာတဲ့အခါမှာ ဘာလုပ်ပေးလဲဆိုတော့ တိုင်းပြည်အတွက် ဒီအချိန်ထိလုပ်ပေးခဲ့တာက နည်းပြီးတော့ ဦးသိန်းစိန်တို့အစိုးရအတွက် အကျိုးဖြစ်တဲ့အလုပ်တွေကိုပဲ ဒေါ်အောင်ဆန်းစုကြည်က လုပ်နေတယ်လို့ ကျွန်တော်က အဲလိုပဲသုံးသပ်တယ်။
ဒေါ်အောင်ဆန်းစုကြည်ဟာ သူ့အဖေလို တိုင်းပြည်ကို စည်းစည်းလုံးလုံးဖြစ်အောင် ဦးဆောင်နိုင်မယ်လို့ အားလုံးက မျှော်လင့်ထားတယ်။ ဒီအချိန်မှာ ဒေါ်အောင်ဆန်းစုကြည်က သူ့ပါတီ အာဏာရဖို့ကိစ္စ၊ သူကိုယ်တိုင် သမ္မတဖြစ်ဖို့ ကိစ္စကို နံပါတ်တစ် အရေးထားပြီးတဲ့အခါမှာ တိုင်းပြည်ကို သွေးချောင်းစီးတဲ့အနေအထားမျိုးမှာ သူနဲ့မဆိုင်သလို နေတဲ့အခါမှာကျ တော့ တိုင်းရင်းသားစည်းလုံးညီညွတ်ရေး အမြင်ဘက်က ကြည့်မယ်ဆိုရင်တော့ သူဟာ အလွန်ကို ဆုံးရှုံးတယ်။
ရှေ့လာမယ့် အနှစ် ၂၀ လောက်မှာ လက်ရှိဗမာနိုင်ငံကို ပြန်ပြီးသုံးသပ်မယ်ဆိုလို့ရှိရင် ဒီကာလကို သမိုင်းဆရာတွေက ဘယ်လိုရေးမလဲဆိုတော့ ဒေါ်အောင်ဆန်းစုကြည်ဟာ ဗမာပြည်သူပြည်သားတွေ အကုန်လုံးကို စည်းလုံးညီညွတ်မှုကို ပေးဖို့ အလားအလာရှိလျက်နဲ့ အဲဒီအခွင့်အရေးကို အဆုံးရှုံးခံတဲ့ နိုင်ငံရေးသမားလို့ပဲ သူ့ကိုသုံးသပ်လိမ့်မယ်လို့ ကျွန်တော် မြင်တယ်။
(ဆက်လက်ဖော်ပြပါမည်။)
မှတ်ချက်။ ။ အင်တာဗျူး အဖြေတွင်ပါရှိသော “ရိုဟင်ဂျာ” ဟူသော အသုံးအနှုန်းမှာ အင်တာဗျူးဖြေသူ သုံးနှုန်းသည့်အတိုင်း အရင်းအတိုင်း ဖော်ပြခဲ့ခြင်းသာဖြစ်ပါသည်။
http://komoethee.blogspot.com.au/
http://thawthikho.blogspot.com/2012/12/blog-post_12.html
ဆက်လက်ဖတ်ရှု့ရန်
