နော်အုန်းလှ သို့မဟုတ် လယ်တောထဲက နိုင်ငံရေးသမား

စနေလင်း - ဧရာဝတီ

 နိုင်ငံတော် အကြည်ညိုပျက်စေမှုနဲ့ ထောင် ၂ နှစ် စံမြန်းသွားတဲ့ ဒေါ်နော်အုန်းလှ

 အသားကညို ညို၊ လူက ခပ်၀၀၊ ၀တ်စားတာကလည်း ပကာသနမရှိ၊ မထည်ဝါပေမယ့် သူ့မျက်နှာကတော့ တွေ့ လိုက်တိုင်း ရယ်မော ရွှင်ပြုံးနေတာကို တွေ့ရမယ်။ သူ့အသက်က အခုဆိုရင် ၅၁ နှစ်ဝန်းကျင်ရှိလာပေမယ့် တောကြိုအုံကြားအထိ သွားလာနိုင်ပြီး လယ်သမားတွေရဲ့ဘ၀၊ ဆင်းရဲသား တောသူတောင်သားတွေရဲ့ ဘ၀ အရေးတွေကိုသာ တစိုက်မတ်မတ် လုံးပန်းနေခဲ့တယ်။ အဲဒီအတွက် လက်ခုပ်လက်ဝါးအတီးခံရပြီး သောင်းသောင်းဖျဖျ ကြိုဆိုကြတဲ့ ဆုတံဆိပ် လက်ခံရမယ့် စင်မြင့်တခုဆီ သူ ရောက်မသွားဘူး။ အဲဒီအစား နိုင်ငံတော် အကြည်ညိုပျက်စေမှုဆိုတဲ့ ပုဒ်မ ၅၀၅(ခ) နဲ့ ထောင်နန်း ၂ နှစ် စံမြန်းဖို့ မုံရွာထောင်ကိုသာ သူ့ကို ပို့ခဲ့ကြတယ်။ သူကတော့ ဒေါ်နော်အုန်းလှပါပဲ။

ဆက်လက်ဖတ်ရှု့ရန်

စောဘဦးကြီး အတ္ထုပ္ပတ္တိ (သမီးဖြစ်သူ(သဲလ်မာကြီး)ကိုယ်တိုင် ရေးသားပြုစုသည်)

 SAW BA U GYI
                         


ပါးပါးကျဆုံးသွားတာနဲ့  သူပိုင်တဲ့ဟိုင်းကြီးနဲ့  လယ်မြေတွေ အကုန်ဆုံးတော့တာပါပဲ
ဖူးဖူး(အဘိုး)စောသာမြတ်ကြီးဟာ ပါးပါး (စောဘဦးကြီး)ရဲ့  ဖခင်ဖြစ်ပါတယ်။ အဘိုးဟာလူမှုဝန် ထမ်း စိတ်ဓါတ်ပြင်းထန်သူ တယောက်ဖြစ်ပါတယ်။ အထူးသဖြင့် ကရင်လူမျိုးတွေရဲ့  ပညာရေးကို မြှင့် တင်လို စိတ်ရှိ သူတဦး ဖြစ်ပါတယ်။ အဲဒီမြှင့်မြတ်တဲ့ မျိုးချစ်စိတ်ကို သူရဲ့ သားသမီး (၄)ယောက်ကို အ မွေအဖြစ်ပေးခဲ့ပါတယ်။ ဖူးဖူးဟာ ချမ်းသာတဲ့ လယ်ရှင်တဦးဖြစ်ပေမဲ့  မြို့ ပြလူနေမှုစနစ်ကို မနှစ် သက် ပါဘူး။ သာမန်လယ်သမားတွေနဲ့  အတူ သူရဲ့  ဇာတိဖြစ်တဲ့ ဘဲကရက်ရွာ(ပုသိမ်မြို့ အနီး)မှာ နေရတာ ကို ပိုနှစ်သက်ပါတယ်။ အန်တီရဲ့  ကလေး ဘ၀ကို မှတ်မိပါသေးတယ်။ အန်တီရဲ့ လက်ကိုဆွဲပြီး ဖူးဖူး ဟာ သူရဲ့ လယ်တဲ ခေါ်သွားတယ်။ ပြီးတော့ တည် ငြိမ်လေသံနဲ့ “ဖိုးမူးလေး (သမီးလေး)မင်းမျက်စိတ ဆုံး မြင်ရတဲ့လယ်တွေဟာ ဒို့ မိသားစုအားလုံးပိုင်တယ်”လို့ ပြောဖူးပါတယ်။ ဖူးဖူးဟာ ပစ္စည်းဥစ္စာနဲ့  ဇိမ်ခံတတ်သူမဟုတ်သလို အိမ်ကိုလည်း တခန်းတနားဆင်ပြင်တတ်သူ မဟုတ်ပါဘူး။ လူကြီးတဦးအနေနဲ့  လယ်သမားအားလုံးကို မျှတကြင်နာတဲ့ စိတ်နဲ့ အမြဲတမ်းဆက်ဆံပါတယ်။

ဆက်လက်ဖတ်ရှု့ရန်