ငြိမ်းချမ်းရေးကို အကြောင်းပြပြီး ကရင်ပြည်နယ်ကြီး စတင်မုဒိမ်းကျင့်ခံရပြီလော
ကရင်ပြည်နယ်နှင့် ကရင်ပြည်သူကို ချစ်သူများ သိသာစေရန်
ယခု ခေတ်ကာလ ပြောင်းလဲလာသော နိုင်ငံရေးမူဝါဒနှင့်
ငြိမ်းချမ်းရေးဖြစ်စဉ်များကြောင့် ကောင်းကျိုး ဖြစ်ထွန်းမှု၊ နယ်မြေဒေသ
ငြိမ်းချမ်းခြင်း၊ လုံခြုံခွင့်နှင့်အတူ ငြိမ်းချမ်းစွာ
လုပ်ကိုင်စားသောက်နိုင်လာသည်။ ထို့အတူ ဆယ်စုနှစ်များစွာ စစ်မက်ဒဏ်၊
ဖိနှိပ်မှုဒဏ်၊ အနိုင်ကျင့်မှုများနှင့် ရင်ဆိုင်ကြရသော
ကရင်ဒေသပြည်သူများနေများဖြင့် အသိအမြင်နဲပါးလှပါသည်။
အခွင့်အရေးမသိတူညီဝတ်စုံ မြင်တိုင်း ကြောက်ရွံ့ထိတ်လန့်နေရသော
ဘ၀ကြုံတတ်ရာရာ၌ ပျော်ပျော်ရွင်ရွင် ပေါ့ပေါ့ပါးပါး နှင့် ဒုက္ခများ
ကိုဟာသနှော၍ ဖြေဖျောက်တတ်သည်မှာ ကရင်လူမျိုး၏ ချစ်စရာဓလေ့တစ်ခုပင်။
အလွန်ဖြူစင်သော စိတ်ဓါတ်အပေါ် အရောင်အထပ်ထပ် အဆိုးခံခဲ့ရသည်ကို
မသိနိုင်ခဲ့ပေ။
ကျွန်တော်ပြောလိုသည်မှာ တပ်မတော် ဘိလပ်မြေစက်ရုံများသို့ တင်သွင်းနေသော
ဂေါဒန်ကျောက်ထုတ်လုပ်မှုသည် ယခင်က ရှမ်းပြည်နယ်မှတင်သွင်းနေရာမှ ယခုအခါ
ကရင်ပြည်နယ် ဒေါနတောင်ခြေကျေးရွာ ဒေသများ၌ အမြောက်အများထွက်ရှိနေသည်။
ထိုအခွင့်အရေးကို မြင်နေသော စီးပွါးရေးလုပ်ငန်းရှင်များ ချောင်းနေသည်မှာ
ကြာလှပြီဖြစ်သည်။ ယခုအပစ်အခတ်ရပ်ဆိုင်းရေးကာလသည် အကောင်းဆုံး
စီးပွါးဖြစ်ထွန်းမှုကာလဖြစ်သည်။ ကွမ်းတော၊ ကွီးလေး၊ မဲ့တမူးထ၊ တရေဖိုးကွီး
တစ်လျှောက် လှိုင်းဘွဲချောင်းဖျားဒေသတွင် company များအနေဖြင့်
စက်ယန္တရားများဖြင့် တူးဖေါ်လျှက်ရှိသည်။ သက်ဆိုင်ရာ အစိုးရထံမှ မည်သို့သော
လုပ်ကိုင်ခွင့်ရကြသည်ကို မပြောတတ်ချေ။ ချောင်းစီးဆင်းရာ တစ်လျှောက်တွင်
စနစ်ကျမှုမရှိဘဲ လုပ်ကိုင်နေသည်။ ထို့အတူ
ကျောက်တင်ကားကြီးများသည်လည်းရွာတွင်း လမ်းမနှင့် ရွာချင်းဆက်လမ်းများကို
အသုံးပြုပြီးသွားလာနေ၍လမ်းပျက်ခြင်း၊ သွားလာရ ခက်ခဲခြင်း( ကားငယ်၊
ဆိုင်ကယ်၊ စက်ဘီး)၊ ဖုန်ထူထပ်ခြင်း( ရွာတွင်း၌ ဖုန်လုံးကြီးများ
အမြဲတမ်းဖုံးနေခြင်း) ထို့ကြောင့် အသက်ရှုလမ်းကြောင်းဆိုင်ရာ ပြသနာအတွက်
စိုးရိမ်နေရသည်။ ရွာသားများပြောသောကြောင့်
ရွာဘေးသို့လမ်းကြောင်းပြောင်းခြင်း၊
ရွာလမ်းမကိုရေဖျန်းခြင်းပြုလုပ်သော်လဲ ထိရောက်မှုမရှိချေ။
ကျွန်တော်တွေ့ခဲ့ရသည်မှာ company မှကျောက်လုပ်ငန်းသည် ဒေသခံရွာများကို
တိုးတက်ရေးအတွက် လုပ်နေခြင်းဖြစ်သည်ဟု
ဒေသခံရွာသားများထံမှထောက်ခံချက်ယူခြင်း( ရွာသားများ
လက်မှတ်ရေးထိုးထား)သည်ကိုတွေ့ရသည်။ သို့သော် ရွာသားများ၏ အမှန်တကယ်
ဆန္ဒလား၊ လူနဲစု၏ သဘောထားလား မသိနိုင်ချေ။ ထို့အတူ ဒေသရှိ
အာဏာပိုင်များ(BGF & KNU) နှင့်အပေးအယူမျှနေသည်ဟုလဲ သိရသည်။ ယခင်နှစ်က
ဘိလပ်မြေ အိတ် ၁၀၀ ရွာအတွက်လှူဒါန်း ခဲ့သည်။ သို့သော် အမှန်တကယ်
ရောက်သလား မသိနိုင်ချေ။
နိုင်ငံတော်မှ ချမှတ်၍ လုပ်ဆောင်နေသောမိုးပွင့် စီမံချက်တွင်
ပြည်သူများအနေဖြင့် ဓါတ်ပုံဖိုးနှင့် မိတ္တူဖိုး မျှသာ ကျခံရမည်ဖြစ်ပြီး
ကျန်သည်ကို အစိုးရမှလုပ်ဆောင်ပေးမည်။ မသမာမှုတွေ့ရှိပါက တာဝန်ရှိပြည်သူ
အနေဖြင့် အကြောင်းကြားရန်ဟု နိုင်ငံပိုင် သတင်းစာ၌ ဖေါ်ပြထားသည်။
ယခုဒေသအတွင်း၌ NRC နှင့် လ၀က တို့ပူးပေါင်းကာ အခမဲ့ မှတ်ပုံတင်
လုပ်ဆောင်ပေးလျှက်ရှိသည်။ ထိုအခြေအနေ၌ အချို့ဝန်ထမ်းများ ကွမ်းတောဒေသ၌(
သိန်းဇော်ဦး (ခ) သားကြီး)၊ လှိုင်းဘွဲမြို့နယ် ထွေအုပ်ဝန်ထမ်း၊
ရှမ်းရွာသစ်မြို့နယ်ခွဲ လ၀က ၀န်ထမ်းတစ်ဦးသည် ရွာ၌
အိမ်ထောင်စုစာရင်းလုပ်ပေးခြင်း ကို ကျပ် ၁၀၀၀ နှင့်
မှန်ပုံတင်လုပ်ပေးခြင်းကို ကျပ် ၅၀၀၀ မှ ၈၀၀၀ ကြားလုပ်ဆောင်ပေးနေသည်။
တရားဝင်မှုလဲ သေချာမှုမရှိချေ။ နာမည်နှင့် မွေးသက္ကရစ်များကို
မှားယွင်းရေးသားပြီး အခါအားလျော်စွာ ဆိုင်ကယ်ဆီဖိုး၊ လမ်းစရိတ်ဟု
အကြောင်းပြ၍ ငွေတောင်းခံမှုများလည်းရှိသေးသည်။ ဒေသခံများ၏ မသိနားမလည်မှု၊
ရိုးသားဖြူစင်မှု ကို အခွင့်ကောင်းယူနေခြင်းဖြစ်သည်ဟု ထင်မြင်မိပါသည်။
မလျှော်ကန်မှန်း အချို့ဒေသခံများ သိသော်လည်း တိုင်ကြား၊ပြန်ခံပြောခြင်း
များမလုပ်ရဲသည်မှာ စာဖတ်သူများ နားလည်လိမ့်မည် ဟု ယုံကြည်ပါသည်။
ခေါင်းဆောင်များက ငွေစားပြီးပြည်သူများဖုန်မစားစေလိုပါ (ဘုန်းကြီး စကား)။
ကရင်ပြည်နယ်အလှတရားများ ပျက်စီးသော်လည်းကရင်ပြည်သူများ
အကျိုးမခံစားရရင်တရားမျှတ မှုမရှိဘူးဟု ခံယူပါသည်။
သို့ဖြစ်ပါ၍ကရင်ပြည်သူတစ်ဦး၊ ကရင်ပြည်ကိုချစ်မြတ်နိုးသူများ၊ တာဝန်ရှိ
သတင်းဌာနများ၊ အခြားတာဝန်ရှိသူများ၊ တရားမျှတမှုကိုလိုလားသော သူများ၊
ကရင်လူမျိုးကိုချစ်မြတ်နိုးသူများ အနေဖြင့် သတင်းအတိအကျအပြည့်အစုံ
ပြည်သူများအပေါ်ချပြနိုင်ရန် တိုက်တွန်းပါသည်။ ဒေသဖွံ့ဖြိုးတိုးတက်ရေး
လုပ်ဆောင်နေသော NGO အနေဖြင့်လည်း ကိုယ့် project နှင့်မသက်ဆိုင်လျှင်
ဝင်မပါဘူးဟို လျစ်လျှမရှုစေချင်ပါ။ ထို့အတူ ကရင်ပြည်သူများ
နစ်နာမှုမရှိစေရန် ၀ိုင်းဝန်းကူညီကြပါဟုလည်း တင်ပြချင်ပါသည်။
http://thawthikho.blogspot.com/2013/03/blog-post.html
No comments:
Post a Comment