စစ်ကူများ တိုးချဲ့နေသော လိုင်ဇာစစ်ဆင်ရေး
ရွှေဟင်္သာသတင်းဌာန၊ ဇန္နာဝါရီလ (၂၃) ရက်နေ့
လိုင်ဇာကို စစ်ဆင်ရန် သံချပ်ကာကားများ အပါဝင် ထောင်နှင့်ချီသော မြေပြင်တပ်ဖွဲ့များ ဗန်းမော်မြို့မှတဆင့် ဒေါ့ဖုန် ယန်းသို့ ပေးပို့နေသည်ဟု လဂျားယန် စစ်မျက်နှာရှိ KIA အရာရှိတဦးက ဆိုပါသည်။
“ ကြားရတာကတော့ ခါယာတောင်ကုန်းကို တရက်ထဲနဲ့သိမ်းမယ်တဲ့။ အဲဒီအတွက် မြေပြင်တပ်ဖွဲ့က တထောင်ကျော် သံချပ်ကာကားက နှစ်စီး၊ လေယာဉ်က (၆) စီးနဲ့ပေါ့၊ တိုက်မယ်လို့ ၀ါဒဖြန့်နေတာလား။ တကယ်လားတော့ မပြော တတ် ပါဘူး။
ဗန်းမော်မြို့ မှာတော့ ရေကြောင်း ၊လေကြောင်းတွေက တဆင့် ပို့ထားတဲ့ တပ်အင်အား အလုံးအရင်းနဲ့ ရောက်နေတယ်။ အဲဒီအတွက် တစ်မြို့ လုံးမှာ စစ်ကားတွေ ၀င်ထွက်သွားလာနေတာ ရှုပ်ရှက်ခပ်နေတာဘဲ” ဟုဆိုပါသည်။
၎င်းထိုးစစ်တပ်များကို လိုင်ဇာ အနီးပါတ်ဝန်းကျင် ရှိ လဂျားယန်ကျေး ရွာ ၊ နားလုံကျေးရွာ ၊ ဒုံကွန်ကျေးရွာ တို့ တွင် ယနေ့ မနက်ပိုင်းမှစပြီး ဖြန့်ကျက်ချထားခဲ့ပါသည်။ လိုင်ဇာဌာနချုပ်အနီးရှိ ၄င်းတို့ တပ်ဖွဲများထံသို့ ရဟတ်ယာဉ်ဖြင့် လူ အင်အား လက်နက်ရိက္ခာ အဆက်မပြတ် ခေါက်တုံ့ ခေါက်ပြန် နေ့ စဉ် ပို့ ဆောင်နေသည်ဟုဆိုပါသည်။
လိုင်ဇာအနီးရှိ ခယာဘွမ်တောင်ကျောကိုလည်း ၃ ရက်မြောက်နေ့ အဖြစ် မနက်ပိုင်းကတည်းက လက်နက်ကြီးများဖြင့် ပစ်ခတ်နေခဲ့ပါသည်။ မြေပြင်တိုက်ခိုက်မှု မရှိသော်လည်း မြေပြင်စစ်ဆင်ရန် တပ်သစ်များ ယနေ့ထပ်မံဖြည့်ဆီးနေခဲ့ ပါသည်။
ဤတပ်ဖွဲ့များနှင့် သံချပ်ကာကားအပါဝင် လေကြောင်းစစ်ဆင်မှုသည် နက်ဖြန်တွင် စတင်ဖွယ်ရှိပြီး ခါရာ တောင်ကျောကို တရက်အတွင်း ထိမ်းချုပ်ရန် ရှိကြောင်း KIA ဖက်က တွက်ဆထားပါသည်။
အစိုးရတပ်ဖွဲ့များသည် ခါရာတောင်ကျောကို စိုးမိုးနိုင်ပြိးမှ ၄င်တို့ ဂတိပေးထားသော အပစ်ရပ်ရေးအစီစဉ် စနိုင်မည်ဟု စစ်ရေး အကဲခတ်များက ယူဆနေပါသည်။
လိုင်ဇာမြို့ထဲရှိ ကေအိုင်အေက ဌာနချုပ်အဖြစ် အခြေစိုက်ထားသော နေရာအနီး၌ ပေါက်ကွဲမှုတခု ဖြစ်ပွားခဲ့ပါသည်။ ယင်းပေါက်ကွဲမှုကြောင့် ကလေးနှင့် ကလေးမိခင်တို့နှစ်ဦး အနည်းငယ် ဒဏ်ရာရရှိခဲ့ပါသည်။
အလားတူကချင်ပြည်နယ်အရှေ့ပိုင်း ပန်းဝါဒေသ၌လည်း ရဟတ်ယာဉ်နှစ်စီးဖြင့် လူအင်အား၊ရိက္ခာ၊ခဲယမ်းမီးကျောက် များဖြည့်ဆီးနေပါသည်။ KIA ကိုပြင်းထန်စွာ
စစ်ဆင်နိုင်ရန် ပြင်ဆင်သည့်အနေဖြင့် အစိုးရတပ်ဖွဲ့
များသည် မြစ်ကြီးနား လေတပ်စခန်းရှိ တိုက်လေယာဉ်များနှင့် စစ်ရဟတ်ယာဉ်များအား ခေါက်တုံ့ ခေါက်ပြန် အသုံးပြုနေပါသည်။
ဤစစ်ရေးပြင်ဆင်မှုများသည် နက်ဖြန်တိုက်ပွဲအတွက် အပြီးသတ်ပြင်ဆင်နေပုံရသည်ဟု စစ်ရေးအကဲခတ်များက ဆိုပါသည်။
သို့သော် အထိအခိုက်အကျဆုံးများနေသော အစိုးရတပ်ဖွဲ့တွင် စိတ်ဓါတ်များကျနေသလို တိုက်ခိုက်မှု များသည်လည်း ထိရောက်မှုမရှိသဖြင့် ထင်ကြေးများလွဲမှားနေပြီး သမ္မတ အပါဝင် ကာချုပ်၏အပစ်ရပ်ရေး ဂတိများ သည်လည်း မျက်နှပျြက်စရာဖြစ်လာခဲ့ပါသည်။
No comments:
Post a Comment