ကရင့်အမျိုးသားနေ့ (ဖေဖော်ဝါရီလ ၁၁ ရက်နေ့)

                           
                                         ကရင့်ဓါတ်ပုံအား ကရင့်နှစ်သစ်ကူးဖြစ်မြောက်ရေးကော်မတီ ဖေ့စ်ဘုတ်မှ ကူးယူဝေမျှခြင်းဖြစ်သည်။



ဒုတိယကမ္ဘာစစ်ကြီးပြီးဆုံးသည့်အချိန်မှစ၍ကရင်တစ်မျိုးသားလုံးသည် ကရင်ပြည်အတွက် တောင်းဆိုတိုက်ပွဲဝင်ခဲ့ကြသည်။ သို့သော်အာဏာရ အုပ်စိုးသူ ဖဆပလ (ဖက်ဆစ်တိုက်ဖျက်ရေး၊ ပြည်သူ့လွတ်မြောက်ရေး) အစိုးရက ကရင်ပြည်တောင်းဆိုတာ လက်တဆုပ်စာ ကရင်သာဖြစ်ကြောင်း၊ အင်္ဂလိပ်နယ်ချဲ့များက အားပေးအားမြှောက်ကြောင်း၊ အင်္ဂလိပ်ကျွန်ဖြစ်လိုသူ ကရင်များဖြစ်ကြောင်း၊ စသည်များဖြင့် မဟုတ်မမှန် သွားပုပ်လေလွင့် စွပ်စွဲပြောဆိုသည်။



၁၉၄၈ ခုနှစ်၊ ဖေဖော်ဝါရီလ ၃ ရက်နေ့တွင် ကေအဲန်ယူက ဖဆပလ အစိုးရထံ ကရင်ပြည်ပေးဖို့ စာရေးတောင်ဆိုသည်။ စာကို တလအတွင်း ၁၉၄၈ ခုနှစ်၊ မတ်လ ၃ ရက်နေ့ နောက်ဆုံးထားပြီး အကြောင်းကြား စာပြန်ရန်၊ ပြန်စာမရရှိက၊ သို့တည်းမဟုတ် ကရင်ပြည်ပေးဖို့ ငြင်းဆိုက ကရင်အမျိုးသားများ ခြေတလှမ်းတက်လှမ်းမည်ဟု ပါရှိသည်။
ယင်း ကရင်ပြည်တောင်းဆိုသည့်စာ ပိုမိုလေးနက်စေရန် ဖေဖော်ဝါရီလ (၁၁) ရက်နေ့တွင် မြန်မာပြည်တစ်ပြည်လုံးရှိ ကရင်အမျိုးသားများအားလုံး ကရင်ပြည်လိုလားကြောင်း ကရင်လူထု ဆန္ဒပြပွဲ ကျင်းပလေသည်။

အောက်ဗမာပြည် ကရင်များရာဒေသတွင် မက မြောက်ဖက် မြစ်ကြီးနား မှ တောင်ဖက်မြိတ်မြို့အထိ ရှမ်းပြည်တွင် နမ်းခမ်း၊ ကွတ်ခိုင်၊ လားရှိုး၊ တောင်ကြီး၊ ကျိုင်းတုံ၊ မြန်မာပြည်အလယ်ပိုင်းတွင် မိတ္ထီလာ၊ ချောက်၊ ရေနံချောင်း စသည်ဖြင့် တပြည်လုံးတွင် ဆန္ဒပြကြသည်။

ရန်သူ ဖဆပလ မှလည်း ခြိမ်းခြောက်ခြင်း၊ နှောက်ယှက်ခြင်း များ ပြုလုပ်သေးသည်။ သို့သော် ကရင်တမျိုးသားလုံး (၂) ရက်၊ (၃) ရက် ခရီးများချီတက်၍ ဆန္ဒပြကြရာ၊ ကရင်အမျိုးသား၊ အမျိုးသမီးပေါင်း (၄) သိန်းကျော် ဆန္ဒပြကြ၍၊ ထိုနေ့ရက်အထိ မြန်မာပြည်သမိုင်းတွင် အကြီးမားဆုံးဆန္ဒပြပွဲ ဖြစ်ခဲ့သည်။

ဆန္ဒပြရာတွင် -
၁။ ကရင်ပြည်ချက်ချင်းပေး ( လွတ်လပ်ရေး)
၂။ က၇င်တကျပ်၊ ဗမာတကျပ် ချက်ချင်းပြ (တန်းတူရေးနှင့် ဒီမိုကရေစီရေး)
၃။လူမျိုးရေးအဓိကရုဏ်းအလိုမရှိ (လူမျိုးစုံချစ်ကြည်ရေး)
၎။ ပြည်တွင်းစစ်အလိုမရှိ (ငြိမ်းချမ်းရေး) ဟူသည့်ကြွေးကြော်သံများ ကိုင်စွဲ၍ မြို့တွင်းများတွင် လှည့်လည်ပြီး၊ ငြိမ်းချမ်းစွာဆန္ဒပြကြရာ မြန်မာပြည်သမိုင်းတွင် စည်းကမ်းအရှိဆုံး ဆန္ဒပြပွဲ အဖြစ်သမိုင်းတွင်ရစ်ခဲ့သည်။

ထိုဆန္ဒပြပွဲနေ့တွင် ကရင်အမျိုးသားခေါင်းဆောင်များက ကရင်ပြည်လိုလားပြီး ကရင်ပြည်ကို အရယူမည် စသည်ဖြင့် ရဲရဲတောက်တော်က မိန့်ခွန်းပြောသည့်နည်းတူ ကရင်တမျိုးသားလုံးလည်း ဇာတိသွေး၊ ဇာတိမာန်များဖြင့် တက်ကြွစွာ၊ ညီညွတ်စွာ ပါဝင်ကြသည်။

ကရင်အမျိုးသားနေ့ ကရင်လူထု ဆန္ဒပြပွဲ - ဖေဖော်ဝါရီလ (၁၁) ရက်၊ ဖေဖော်ဝါရီ အရေးတော်ပုံ၏ နိုင်ငံရေး အဓိပ္ပါယ် ။
၁။ ကရင်တမျိုးသားလုံးရဲ့ နိုင်ငံရေးအသိ၊ မျိုးချစ်ပြည်ချစ်၊ စိတ်ဓါတ်ကိုမွေးထုတ်ပြသသည့်နေ။
၂။ ကရင်တမျိုးသားလုံးရဲ့ စည်းလုံးညီညွတ်ရေးကို ထုတ်ဖေါ်ပြသသည့်နေ့။
၃။ ကရင်အမျိုးသားများရဲ့ ဇာတိသွေး၊ ဇာတိမာန်ကို ရဲရဲတောက် ထုတ်ဖေါ်ပြသသည့်နေ့။
၎။ နိုင်ငံရေးလက်ဦးမှုကို ကရင်များ ရယူသည့်နေ့။
ကရင်ကို ကမ္ဘာကပိုသိစေတဲ့နေ့။

အထက်ပါအကြောင်းရပ်များကြောင့် ၁၉၅၃ - ခုနှစ်၊ နိုဝင်ဘာလ (၂၃-၂၅) ရက်နေ့တွင် ဖာပွန်မြို့တွင်ကျင်းပသော ကော်သူးလေ ပြည်လုံးဆိုင်ရာ ကွန်ကရက်တွင် ဖေဖော်ဝါရီလ (၁၁) ရက်ကို ကရင်အမျိုးသားနေ့ဟု သတ်မှတ်ကျင်းပရန်၊ မြစ်ဝကျွန်းပေါ် အမှတ် (၁) ခရိုင်ဥက္ကဌ ဦးကျော်အေးကအဆိုပြုပြီး၊ မြစ်ဝကျွန်းပေါ်အမှတ်(၁) တပ်မဟာမှူး ဗိုလ်ချုပ် ကော်ထူးက ထောက်ခံ၍ ကွန်ကရက် ကိုယ်စားလှယ်များက ကန့်ကွက်သူ လုံးဝမရှိဘဲ တညီတညွတ်တည်း အတည်ပြုလိုက်ရာ ကရင်လူထု ဆန္ဒပြပွဲဖြစ်သည့် ဖေဖော်ဝါရီလ (၁၁) ရက်သည် ကရင်အမျိုးသားနေ့ဖြစ်လာလေသည်။

Karen Economics Development Course (KEDC) Karen History- Karen Curriculum မှကူးယူဝေမျှခြင်းဖြစ်သည်